ik Rishta Aisa Bhi.

Aisa bhi hona chahiye ek rishta.. ek anjaan sa rishta, jiska koi naam na ho, us se koi expectation nahi, koi boundations nahi, bas ek Azib si feeling, Girlfriend / Boyfriend ke pyar se bahut uppar, Husband/ Wife ke pyar se alag, aur Doston ke pyar se thora sa hat ke. 

Hona chahiye ek aisa bhi rishta jo aapko sun sake aapke kuch bolne se pehle apko jaan  sake. time deakh ke nahi bina time deakhe, kabhi bhi raat ke 3 baje  tu uth na mujhe teri jarurat hai, han to mai hun na tere paas.. vo roye to mai bhi roun, vo hanse to mai bhi, bas ek azib sa ehsas, ki han vo kahin aas paas hai..nahi vo mere hi paas hai..  koi sharam nahi, koi limitations nahi, kyuki mai jaanta / jaanti hu ki vo puri tarah mere jaisa hai..

jaanta hun aur maanta bhi hun ki aisa possible nahi hai, phir bhi life me itne bade bade risk liye ek risk aur sahi, is baar bas apne liye, trust me Ye rishta baki sab rishton ki kami puri kar dega, Zindagi ko jeene ka dhang badal jayega.. chal na yaar jeete hain aaj khud ko iss rishte ke sath, ban jate hain ik baar phir se wahi jo ham bachpan me the..jo kahin ab ham kho gayein hain.. karunga na mai tera intazaar.. de apna haath mai hun na yahn.. aa laut chalein .. aa..